ჩვენ ვიყენებთ მზა ფაილებს(cookies) - რაც აუცილებელია თქვენთვის უკეთესი ონლაინ სერვისის უზრუნველსაყოფად.
ჩვენი საიტით სარგებლობასთან ერთად, თქვენ ეთანხმებით, რომ თქვენს მოწყობილობაზე მოხდეს მზა ფაილების(cookies) მიღება და შენახვა ბრაუზერის საშუალებით, რომელიც განკუთვნილია შემდგომი გამოყენებისთვის ვებ-გვერდზე აქტივობის პროცესში.

ჰეთთრიქის განცხადებები

1-3-2022 ჰეთთრიქის მასტერსის კენჭისყრა

ჰეტთრიქის მასტერსი შემდეგ კვირის ორშაბათს დაიწყება. აღნიშნული სეზონის კენჭისყრა დღეს 15:00-ზე (CET) გაიმართება.

12-24-2021 გისურვებთ ბედნიერ დასვენებას!

ჰეთთრიქის ყველა მენეჯერს ვუსურვებთ ბედნიერ დასვენებას უქმეებზე, გართობას და უწყვეტ კავშირს იმ ხალხთან ვისზეც ასე ძალიან ზრუნავენ თუნდაც ერთი ან ორი საჩუქრით! ჩვენ ვეცდებით, რომ მომავალ წელსაც იგივე შემართებით და კიდევ უფრო მეტი ენერგიით დავბრუნდეთ, რათა ჰეთთრიქი ვაქციოთ თქვენთვის უკეთეს თამაშად.

რაც ყველაზე მნიშვნელოვანია, გვსურს მადლობა გადაგიხადოთ იმისთვის რომ თქვენ ყველანი ხართ ჰეთთრიქის საზოგადოების საუკეთესო წევრები!

ჩვენ თქვენ გვიყვარხართ, ჰეთთრიქის გუნდი.


12-23-2021 წრის "საიდუმლო სანტა"

ვიცით, ვიცით - პანდემია ჯერ კიდევ არ დასრულებულა, ამიტომ კიდევ ერთი შობის გატარება მოგვიწევს სახლებში. მაგრამ სამყარო ჯერ კიდევ აქაა და განაგრძობს არსებობას, ამიტომ ცუდი აზრი არ უნდა იყოს რომ ჰეთთრიქული შეხვედრები 2022 წლისთვის დაგეგმოთ და მოინახულოთ თქვენს ქალაქში მცხოვრები სხვა მენეჯერები. ამიტომ მოდი ერთად მოვემზადოთ ამისთვის.

ჩვენ ორგანიზება გავუკეთეთ ადგილობრივი წრის "საიდუმლო სანტას" იდეას! მონაწილეობისთვის საჭიროა რომ ორივე მხარე (მიმღები და გამცემი) შეუერთდეს ადგილობრივ წრეს.

როგორ მუშაობს ეს ყველაფერი: ყოველ ჯერზე, როდესაც ვინმე შეიძენს მხარდამჭერს ამ კამპანიის მიმდინარეობისას, ავტომატურად მოხდება საჩუქრის გენერირება და ლოკალურ წრეში მყოფი მიმღებისთვის მონიშვნა. ჰეთთრიქის საშობაო ხის ქვეშ განთავსდება საჩუქარი, რომელსაც სანტა ბობი იანვრის დასაწყისში მოიტანს. საჩუქრის პირველი ნაწილი გაიცემა წრეში მყოფთათვის, ხოლო დანარჩენი კი წრის გარეთ სხვა მომხარებელზე.

თუ თქვენ იქნებით რომელიმე წრის წევრი, ეს ნიშნავს იმას რომ გაქვთ შანსი მოიგოთ და მიიღოთ საჩუქარი!

გახსოვდეთ, წრეში გაწევრიანება ან სხვა წრეში გადასვლა მხოლოდ მობილურის მეშვეობით შეგიძლიათ, რომელიც გეოლოკაციის ფუნქციას იყენებს, თქვენთვის შესაფერის ადგილზე განსამწესებლად.

ამასთან ჩვენ ვხვეწავთ წრის ფუნქციებს. რადგან წრე არის ტელეფონის მახასიათებელი, მას შემდგომ რაც იპოვით და გაწევრიანდებით წრეში შემდგომი მოქმედებების შესრულება ვებ-გვერდიდანაც შეგეძლებათ. ამიტომ ლოკალური წრის მისამართის პოვნა შეგიძლიათ ვებ-გვერდზეც, რომელიც განთავსებულ იქნება აქ: ჩემი ჰეთთრიქი/საზოგადოება. აქ თქვენ გექნებათ წვდომა ლოკალური წრის ჩატზე, ასევე ხილვადი იქნება წრის წევრები, ნახავთ თუ ვინ შემოუერთდა წრეს ბოლოს და გექნებათ ინფორმაცია, თუ როდის დაიწყება კამპანია.

მობილურ აპლიკაციაში წრეს შევუცვალეთ ადგილმდებარეობა და ახლა მისი ხილვა შეგიძლიაც განყოფილება "სოციალურში".

დამატებით ვებ-გვერდზე ხილვადი იქნება ზოგიერთი ლოკალური წრის მსოფლიო რეიტინგი, როგორებიცაა ყველაზე მრავალრიცხოვანი წრე, რამდენი წრეა სულ და რამდენი წევრი ყავს ჯამურად ამ წრეებს.

იმედი გვაქვს მოგეწონებათ სიახლე - წარმატებებს გისურვებთ საიდუმლო სანტას საჩუქრის მიღებაში!

12-12-2021 ვადიდებთ სლოვაკეთს!

ჩვენ გვყავს ახალი მსოფლიო ჩემპიონი და ეს არის სლოვაკეთი, ვინც ფინალში 5-3 იტალია დაამარცხა.

საწყის პერიოდში სკუადრა აძურა 0-2 დაწინაურდა, მაგრამ სლოვაკეთმა მატჩში დარჩენა მოახერხა და პირველ ნახევარშივე ანგარიში გაათანაბრა 2-2. მეორე ნახევარის დასაწყისში კვლავ იტალია დაწინაურდა და მეტოქემ მხოლოდ 75-ე წუთისთვის მოახერხა თანაფარდობის აღდგენა და ეს არაპირდაპირი თავისუფალი დარტყმით მოხდა.

დამატებით დროში უკვე სლოვაკეთი დომინირებდა. მატჩში 5-3 დასრულდა. აშკარაა პორტუგალიელმა მენეჯერმა Kanit0-მ შემადგენლობასთან მშვენიერი სამუშაო გასწია. ჩვენ ვულოცავთ მას, ისევე როგორც მთლიანად სლოვაკეთის კომუნას ამ დიდ წარმატებას! ასევე ქებას იმსახურებენ წარმატებული გამოსვლისთვის იტალიელები, გუნდი, რომელსაც მთავარი მწვრთნელი Monco-Ultras ედგა სათავეში.

12-9-2021 არჩევნები ახლოვდება!

მსოფლიო თასის გათამაშება დასასრულს უახლოვდება (ხვალ ნახევარფინალებია, ხოლო კვირას კი ფინალი) და ეს ნიშნავს იმას, რომ დადგა დრო ეროვნული ნაკრების მწვრთნელის არჩევნებისა.

თუ თქვენ გსურთ იყოთ კანდიდატი, ასეთად დარეგისტრებას მოახერხებთ არჩევნების გვერდიდან. რეგისტრაცია დაიწყება ამ კვირის პარასკევ დღეს ჰეთთრიქის (CET) დროით 07:00 სთ-დან, ხოლო ხმის მიცემა შეგეძლებათ ორშაბათიდან ერთი კვირის განმავლობაში, არჩევნები გაიმართება 144 ჰეთთრიქის ლიგაში რომლებიც წარდგენილნი არიან მსოფლიო თასზე.

არჩევნებში კანდიდატობის ან ხმის მიცემისთვის, თქვენ უნდა იყოთ მინიმუმ ერთი სეზონის გამოცდილების მქონე მომხმარებელი - ეს პირობები იმისთვისაა, რათა თავიდან ავიცილოთ რიგი უსიამოვნებები.

დაე დაიწყოს კამპანია!

12-7-2021 დივიზიონის შეცვლის ფანჯარა

როგორც ყოველთვის, HFA უფლებას მისცემს ზოგიერთ გუნდს, რომ შეიცვალოს დივიზიონი სეზონის ბოლოს:

- შეცვლა შესაძლებელი იქნება ხუთშაბათის (9 რიცხვში) 00:00 საათიდან პარასკევის (10 რიცხვის) 23:59 საათამდე (ჰეთთრიკის (CET) დროით);
- Hattrick International-ის გუნდებს შეცვლის ვადა ექნებათ მხოლოდ პარასკევის 16:00 საათამდე (ჰეთთრიკის (CET) დროით), რადგან იმ დროისთვის უკვე უნდა დაიგეგმოს მომავალი სეზონის მატჩების განრიგი;
- შეცვლა შესაძლებელია მხოლოდ იმ შემთხვევაში, თუკი ასპარეზობთ თქვენი ქვეყნის ყველაზე დაბალი სამი დონის დივიზიონიდან ერთ-ერთში;
- ადგილის გაცვლა შესაძლებელია მხოლოდ ბოტ გუნდთან, რომელიც ასევე ასპარეზობს თქვენივე დონის ნებისმიერ სხვა დივიზიონში;
- შეცვლა შესაძლებელია მხოლოდ ერთხელ და ამის საშუალება აღარ გექნებათ მეორედ, ამიტომ კარგად დაფიქრდით სანამ საბოლოო გადაწყვეტილებას მიიღებთ.

ბოტ გუნდთან ადგილის გაცვლა შესაძლებელია, ამავე გუნდის დივიზიონის გვერდიდან. ადგილის გასაცვლელი ბმული გამოჩნდება ბოტი გუნდის დივიზიონის ცხრილში, მისივე დასახელების გასწვრივ. გაითვალისწინეთ, რომ ადგილის გაცვლა შესაძლებელია მხოლოდ ბოტ გუნდთან(რომელსაც აქვს "რობოტის ლოგო") და არა მფლობელის გარეშე დარჩენილ გუნდთან.

12-2-2021 აირჩიეთ თქვენი სპონსორი, თან კარგად დაფიქრდით...

სპონსორები ჰეთთრიქის გუნდებისთვის შემოსავლის ერთ-ერთი ძირითადი წყაროა, მაგრამ ამავე დროს აქამდე ჰეთთრიქის თამაშის ეს ნაწილი მენეჯერებს საინტერესო არჩევანის საშუალებას არ აძლევდათ.

ახალი სეზონის დაწყებამდე, თქვენ შეგეძლებათ ერთ-ერთ სპონსორთან, ხუთი არსებული ვარიანტიდან რომელიმეზე შეჯერდეთ და გააფორმოთ კონტრაქტი. ყოველი კონტრაქტი შეიცავს თანხის გარანტირებულ წილს, რომელიც ყოველკვირეულად დაგერიცხებათ, იმისდა მიუხედავად, თუ რომელი სპონსორი აირჩიეთ. ეს დარიცხვა თავის მხრივ ჯამური სასპონსორო შემოსავლის ყველაზე დიდი წილი იქნება.

ამის პარალელურად იარსებებს შემოთავაზებების ცვალებადი ნაწილი. აი, აქ კი უკვე შეგიძლიათ გააკეთოთ არჩევანი, მიიღოთ ნაკლები რისკის ფასად მეტად გარანტირებული, მაგრამ შესაბამისად შედარებით მცირე თანხა, ან გარისკოთ უფრო მეტის მიღების პერსპექტივით. კონტრაქტი შეიძლება შეიცავდეს ერთ, ან მრავალპირობიან საბონუსო სისტემას, დამყარებული, სიტყვაზე, მატჩების მოგებაზე, გოლების გატანაზე ან დივიზიონში დაკავებულ ადგილზე.

ეს თქვენზე იქნება დამოკიდებული, როგორც მენეჯერზე, თუ რომელ ვარიანტს აირჩევთ, იმის მიხედვით, თუ რა პირობა უფრო შეგეფერებათ და რამდენად ძლიერი გუნდი გყავთ.

თუ მენეჯერი არაფერს აირჩევს, სტანდარტული და შესაბამისად ყველაზე უსაფრთხო არჩევანი გაკეთდება თქვენგან დამოუკიდებლად. ახლხან შექმნილ გუნდებსაც ეს ვარიანტი დაუფიქსირდებათ ავტომატურად.

და კიდევ ერთი დეტალი: სპონსორებს ამიერიდან ექნებათ სახელი, და უნიკალური ლოგო. კომპანიები, რა თქმა უნდა, არარეალური - ინსპირირებული ჰეთთრიქის ვრცელი სამყაროსგან.

იმედი გვაქვს, მენეჯერის გადაწყვეტილებაზე დამოკიდებული კიდევ ერთი საკითხი და ახალი საშუალება თამაშში თქვენი თავგადასავალი კიდევ უფრო გაამრავალფეროვნოთ, ჰეთთრიქის კარგი და საინტერესო დანამატი გახდება.

 
 
Server 081