Regulis dai forum e moderatôrs
O sin une vore orgoiôs de nestre comunitât, specie dal spirit e des ativitâts dai forum. Tai forum di Hattrick a son un ciert numar di moderatôrs (o Mods) che a puedin judâ i utents se al covente, ma ancje tignî di ments i forum in mût che a restedin plasevui. Tai forum a valin simpri lis stessis regulis di compuartament, cun in plui cualchi regule par judâ a tignî il spirt amichevul dai forum. Cierts forum a àn regulis speciâls in plui, che e puedin sedi cjatadis tes discussions evidenziadis dai forum stes. I Moderatôrs a àn l'autoritât di dâ bandî lis scuadris dai forum o dâ amonizions, dut chest par tignî in vore lis regulis...
Ancje i Gamemasters e àn podê di moderazion, e a puedin intervignî in câs di seriis violazions (che a puedin puartâ a la sospensions dal zûc). Ten di ments che jessi Supporter no ti pare dai ban di forum, e il Supporter nol vignarà rimborsât in câs di ban.
Lis decisions dai Moderatôrs a puedin sedi apeladis ai Moderatôrs Anzians, e la sô decision no pues sedi contestade. Ten di ments che la punizion sot apèl a podaress sedi sie aumentade che diminuide une volte che la decision finâl e sarà cjapade.
Tai forum di Hattrick tu âs di seguî lis nestris regulis de cjase. Par di plui no tu puedis:
- Spam, par esempli scrivi plui voltis il stès messaç.
- Fâ 'Bumping' (scrivi un messaç dome par fâ viodi une cierte discussion o se stes).
- Fâ post cun provocazions e 'trolling'.
- Blestemâ o doprâ un lengaç masse volgâr.
- Fâ atacs raziscj, sessuâi o personâi; atacs a une specifiche nazion o religjon.
- Fâ discussions politichis e religjosis.
- Fâ acusis di barâ (par chest dopre il report cheaters).
- Domandâ aiût o promovi il discjamament ilegâl di software, clâfs-CD par software, torrent o streaming di sport o events.
- Fâ fente di jessi un Uficiâl di HT cuant che no tu lu sês.
- Discuti lis decisions uficiâls su un specific utent o câs, o publicâ la corispondence cui Uficiâi di HT cence permès.
- Doprâ i forum (deserts) di campionâts come forum di federazion. Par plasè rispiete il fat che i forums dal campionât e das zovanîls a son par favorî la comunicazion jenfri i membris di chei campionâts, e se i ospits a son benvignûts, no si pues doprâ chescj forums par discussions diferentis.
Forum di Federazion
I forum di Federazion (un aspiet pai Supporter) a son une part plui privade di Hattrick, dulà che i membris de federazions a puedin organizâsi e sielzi lis regulis plui adatis a la federazion. Ten di ments che te federazions no si pues:
-scrivi alc che al sedi ritegnût ilegâl de leç (cjapant dentri leams a materiâl ilegâl e menacis te vite reâl)
-doprâ la federazion come plateforme par promovi l'odi
-organizâ o programâ ativitâts destinadis a atacâ o provocâ altris utents, includûts i Uficiâi di Hattrick
-Publicâ cualsisedi comunicazion cul staff cence l'esplicit consens dai Uficiâi di Hattrick
Par altris problemis di compuartament i responsabii a son i presidents de federazions, e a àn i imprescj par gjestîju cemût che crodin miôr. E an la pussibilitât di scancelâ messaçs no apropriâts, a puedin mandâ vie membris de federazion e a puedin nomenâ moderadôrs di federazion par judâju a mantignî in ordin il forum de federazion. Al stes mût tu puedis ancje lassâ la federazion in cualsisedi moment par evitâ che la situazion e degjeneredi.