Навіны

У студзені мы запусцілі новую сістэму Кубка Сьвету, па якой у цяперашні час праводзяцца першыя кантынентальныя чэмпіянаты ў катэгорыі U20. Пазней у гэтым сезоне яны пераўтворацца ў U21, і стартуе Кубак Сьвету. У наступным сезоне пачнуць свой першы цыкл па новай сістэме і асноўныя зборныя. Будзе выдатна, калі ўсе зборныя пяройдуць на новы фармат!

Хаця нам яшчэ трэба будзе сёе-тое зрабіць з новай сістэмай Кубка Сьвету, вялікая частка нашай увагі цяпер нададзена новым будучым функцыям. Вы ўжо бачылі выпуск новага турніраў з падвойным выбываннем, а два тыдні таму быў выпушчаны абноўлены сімулятар расстаноўкі для падпісчыкаў Supporter.

Зараз мы працуем над трыма праектамі, якія плануем выпусціць у бліжэйшыя некалькі месяцаў. Адзін з іх - гэта новы чат-партал сайта, які спрашчае пераход паміж даступнымі чат-пакоямі ў асобным акне. Мы таксама дадаем фільтры, каб паменшыць спам у вельмі актыўных чатах, напрыклад, падчас онлайн-лёсавання.

Яшчэ адна рэч - гэта новы планаваны набор функцый для мабільнага прыкладання з выкарыстаннем месцазнаходжання, якія дазволяць падлучацца да лакальных груп карыстальнікаў, каб мець зносіны ў чаце або праводзіць матчы. Варта сказаць, што гэтая функцыя распрацоўваецца з максімальнай клопатам аб канфiдэнцыяльнасцi! Актывацыя функцыі будзе па жаданні, таму карыстальнікі не будуць адсочвацца, калі відавочна не захочуць далучыцца. І калі Вы гэта зробіце, мы будзем выкарыстоўваць ваша месцазнаходжанне толькі для падлучэння да хатняга кластару карыстальнікаў, якія знаходзяцца побач з Вамі. Гэта ніяк не будзе звязана з рэкламай, і мы не раскрыем Ваша дакладнае месцазнаходжанне. Ідэя складаецца ў тым, што мы запомнім ваш хатні кластар, але не будзем захоўваць дакладнае месцазнаходжанне, а дазвол прыкладанням на доступ да вашага месцазнаходжанні па змаўчанні скончыцца праз 24 гадзіны

Мы разглядаем гэта як свайго роду эксперымент, які патэнцыйна можа дадаць у Hattrick сапраўды цікавы напрамак, звязаны з выяўленнем і пабудовай у гульні лакальных супольнасцяў.

Аднак галоўны праект гэтага сэзона - перапрацоўка сістэмы дасягненняў. Мы робім гэта па некалькіх прычынах. Па-першае, гэта ўжо працуючая функцыя ў Hattrick, якая падабаецца шматлікім карыстачам, і менавіта па гэтай прычыне варта абнавіць яе! Мы хочам палепшыць інтэрфейс, каб ён стаў прасцей для разумення, цікавей для ўзаемадзеяння, і больш стабільным ў цэлым. Вядома ж, мы захаваем ўсе існуючыя дасягненні і балы.

Аднак перабудова самой платформы дасць нам больш гнуткасці пры даданні новых больш цікавых заданняў у гэтую сістэму.

У апошні час мы шмат думаем пра шлях карыстальніка ў Hattrick, у тым ліку пра тое, што для некаторых пачаткоўцаў гульня можа стаць надзвычай напружанай на вельмі раннім этапе, у той час як іншыя карыстальнікі могуць апынуцца ў «падвешаным стане», калі нічога асаблівага не адбываецца на працягу многіх сэзонаў. З гэтага моманту мы будзем старацца ў перспектыве ўлічваць гэтыя фактары ва ўсім, што мы робім, каб пераканацца, што акрамя галоўнай задачы мэнэджара па прасоўванні ў вышэйшы дывізіён, ёсць таксама цікавыя больш простыя мэты, якія неабходна дасягнуць на гэтым шляху. А таксама сачыць за структурнымі праблемамі, каб такія рэчы, як структура лігі, механіка каманды і эканоміка не стваралі непажаданыя наступствы для карыстальнікаў.

Што тычыцца дасягненняў, гэта азначае больш рэгулярнае даданне новых дасягненняў, а таксама пошук новых абласцей для дасягненняў, якія раней не выкарыстоўваліся, так і падыходных для менеджэраў, якім складана выканаць існуючыя задання. Для гульні карысна, каб як мага больш мэнэджэраў ведалі, што ім ёсць да чаго імкнуцца, нават калі гэта не заўсёды становіцца рэальным прасоўваньнем каманды.

У гэтай галіне «карыстацкага прагрэсу» ёсць і больш сур'ёзныя праблемы, якія не вырашаюцца з дапамогай новых дасягненняў. Адна з такіх праблем - гульнявая эканоміка і яе ўплыў на развіццё новых каманд, пры тым, што старыя каманды маюць некаторую перавагу.

Увосень мы пачалі шырокае даследаванне гульнявой эканомікі. Гэта пачалося пасля абвешчаных змяненняў цэн на «будучых трэнераў», якія мы ў выніку адмянілі. Заўтра ў чарговым артыкуле мы больш падрабязна разгледзім гэты аналіз і тое, што мы плануем зрабіць.

Дзякуй за ўвагу!