Сістэма ліг

Дрэва ліг

Колькасьць дывізіёнаў можа быць розным і залежыць ад краіны, але пры гэтым агульная структура паўсюль аднолькавая. Возьмем, да прыкладу, Італію:

1 Першая ліга (Serie A)
4 II лігі (II.1, II.2, II.3, II.4)
16 III ліг (ад III.1 да III.16)
64 IV лігі (ад IV.1 да IV.64)
256 V ліг (ад V.1 да V.256)
1024 VI лігі (ад VI.1 да VI.1024)
1024 VII лігі (ад VII.1 да VII.1024)
2048 VIII ліг (ад VIII.1 да VIII.2048)
2048 IX ліг (ад IX.1 да IX.2048)
4096 X ліг (ад X.1 да X.4096)
4096 XI ліг (ад XI.1 да XI.4096)

Зьвярніце ўвагу, што пачынаючы з узроўню VI, колькасьць ліг у дывізіёне падвойваецца праз раз.

Пераход у іншую лігу і кваліфікацыя

Калі Вы станеце чэмпіёнам сваёй лігі, Вашая каманда альбо праходзіць у лігу дывізіёнам вышэй, ці гуляе кваліфікацыйны матч за права гуляць там. У дывізіёнах з II па VI палова пераможцаў ліг з лепшымі паказчыкамі праходзяць аўтаматычна, астатнія ўдзельнічаюць у кваліфікацыі. У ніжэйшых дывізіёнах усе пераходы аўтаматычныя. З няцотных дывізіёнаў (VII, IX, XI) таксама праходзяць вышэй каманды, якія занялі 2 месцы.

Пераможцы ліг, якія не праходзяць аўтаматычна, гуляюць стыкавыя матчы з камандамі, якія занялі 5-6 месцы ў лігах дывізіёнам вышэй. Пры гэтым самая моцная каманда сустракаецца з самай слабой камандай, што заняла 6-ае месца, а самая слабая - з самым моцным 5-ым месцам. Гульня праводзіцца на полі каманды з вышэйшага дывізіёна. Калі перамагае каманда з ніжэйшай лігі, яны мяняюцца месцамі, у адваротным выпадку ўсе застаюцца на сваіх месцах.

Калі Вы зоймеце ў сваёй лізе 7 альбо 8 месца, Вашая каманда аўтаматычна пяройдзе ў лігу дывізіёнам ніжэй (за выключэньнем, зразумела ж, ліг самага нізкага дывізіёна). Лепшая каманда з сёмых месцаў памяняецца месцамі з лепшым пераможцам лігі дывізіёнам ніжэй. Горшая каманда з восьмых месцаў памяняецца месцамі з самым слабым пераможцам.

Стыкавыя матчы гуляюць каманды, што занялі 3 і 4 месцы ў дывізіёнах VII і IX, і каманда, што заняла 2 месца ў дывізіёнах VIII и X.

Змена лігі ў дазволены перыяд

Калі Ваша каманда гуляе ў адным з трох самых нізкіх дывізіёнаў Вашай краіны, Вы маеце магчымасць змяніць лігу. Для гэтага неабходна, каб у лізе, куды Вы жадаеце перайсці, было вольнае месца, якое будзе адлюстроўвацца ў табліцы ў міжсезонне, калі дазволены пераход. Акрамя таго, калі Вы кіруеце дадатковай камандай у межах опцыі Supporter, забаронены пераход двух Вашых каманд у адну лігу.

Паніжэньне і падвышэньне ботаў

Каманды-боты ніколі не пераходзяць у дывізіён вышэй рангам, нават калі яны занялі першае месца ў сваёй лізе. У канцы кожнага сэзону каманды-боты ў дывізіёнах 6 і ніжэй перамяшчаюцца ў максымальна нізкі дывізіён. За адзіным выключэньнем: калі бот зойме першае месца ў дывізіёне 6, то ён усё ж пазмагаецца за праход дывізіёнам вышэй.

Па меры таго, як каманды-боты адпраўляюцца ў больш нізкія дывізіёны, дадатковыя каманды з уладальнікамі пераходзяць у дывізіёны вышэй узроўнем, займаючы іх месцы. Гэтыя каманды будуць абраныя з ліку "Лакі лузер" - альбо тыя, якія прайгралі стыкавыя матчы, альбо, у некаторых выпадках, тыя, хто вылецеў у гэтым сезоне напрамую. Вы можаце адмяніць магчымасць такога павышэння ў настройках каманды.

Калі колькасьць мэнэджэраў ў ніжэйшым дывізіёне менш чым колькасьць ботаў у астатніх лігах, то сыстэма аўтаматычна закрывае ніжэйшы дывізіён.

Рэйтынг і пазіцыя ў лізе

Вашае месца ў лізе вызначаюць наступныя фактары (па зьмяншэньні важнасьці): колькасьць набраных пунктаў, розьніца забітых і прапушчаных мячоў, колькасьць забітых мячоў. Пазіцыя ў лізе ў сваю чаргу вызначае рэйтынг, які ўплывае на тое, хто з кім будзе сустракацца ў кваліфікацыі і кубку. Рэйтынг засноўваецца на наступных паказчыках (па зьмяншэньні важнасьці): узровень лігі, месца ў лізе, колькасьць набраных пунктаў, розьніца забітых і прапушчаных мячоў, колькасьць забітых мячоў. У выпадку, калі дзве ці болей каманды маюць аднолькавыя паказчыкі, іх пазіцыя ў рэйтынгу вызначаецца выпадковым чынам.

Прызавыя

За месцы ў лізе з першага па чацьвёртае Вы атрымоўваеце прызавыя, якія залежаць ад месца і ад узроўню лігі, у якой Вы гуляеце:

Дывізіёны	1	2	3	4
I дывізіён (у Беларусі - Vyshejshaja Liga)	2 000 000 US$	1 175 000 US$	825 000 US$	500 000 US$
II дывізіён	1 350 000 US$	1 050 000 US$	750 000 US$	450 000 US$
III дывізіён	1 200 000 US$	925 000 US$	675 000 US$	400 000 US$
IV дывізіён	900 000 US$	700 000 US$	500 000 US$	300 000 US$
V дывізіён	600 000 US$	475 000 US$	325 000 US$	200 000 US$
VI дывізіён	525 000 US$	400 000 US$	300 000 US$	175 000 US$
Астатнія дывізіёны	450 000 US$	350 000 US$	250 000 US$	150 000 US$

Акром таго выплочваюцца прызавыя 10 000 US$ клюбу лепшага бамбардыра лігі. Грошы выплочваюцца па сканчэньні апошняга тура. Калі на гэты прыз прэтэндуе двое ці болей гульцоў, гэтую суму атрымае кожны клюб, але калі сярод гэтых гульцоў ёсьць гульцы з адной каманды, яна атрымае прыз толькі аднойчы.

Прэмія за пераход

Камандам, якія наўпрост пераходзяць у больш высокую лігу, выдаецца прэмія. Больш за тое, каманды, пераходзячыя ў больш высокую лігу, павялічваюць памер фан-клюбу на 10% (а каманды, пераходзячыя ў больш нізкую лігу, губляюць 10% заўзятараў). Аднак калі каманда атрымлівае "бясплатнае" падвышэнне (па-за звычайных умоў павышэння), то яна атрымае толькі бонус да памеру фан-клюбу. Такое павышэнне магчыма за кошт спуску ботаў з больш высокіх дывізіёнаў. А яшчэ ў сапраўдны момант падобныя павышэння прадугледжаны ў лізе Hattrick International.

Дывізіёны	Аўтаматычны пераход	Пераход па выніках кваліфікацыі
I дывізіён (у Беларусі - Vyshejshaja Liga)	-	-
II дывізіён	500 000 US$	175 000 US$
III дывізіён	450 000 US$	150 000 US$
IV дывізіён	400 000 US$	125 000 US$
V дывізіён	300 000 US$	100 000 US$
VI дывізіён	200 000 US$	75 000 US$
Астатнія дывізіёны	175 000 US$	50 000 US$